Episode Details

Sjö sakamál frá fyrri öldum er ný sería frá True Crime Ísland þar sem sjö íslensk sakamál frá 16., 17., 18. og 19. öld eru lesin upp í tólf þáttum. Þetta er opni kynningarþátturinn og hann er öllum aðgengilegur. Serían byggir á samnefndri bók Guðbrands Jónssonar, Sjö dauðasyndir, sögur af íslenzkum sakamálum frá ýmsum öldum, sem kom út hjá Bókfellsútgáfunni í Reykjavík árið 1951. Sögurnar sjö eru þessar. Apollonia Schwartzkopf, glæpasaga frá 18. öld um dauða dansks kvenmanns á Bessastöðum. Þórdísarmálið, sakamál frá 17. öld sem hófst árið 1608. Sunnefumálið, glæpasaga frá 18. öld sem dróst árum saman fyrir dómstólum. Morðið í Eyjum, glæpasaga frá 17. öld úr Vestmannaeyjum. Sjöundármorðin, glæpasaga frá 19. öld af Rauðasandi. Hamra-Setta, sakamál frá 16. öld, frá því fyrir siðaskipti. Dauði Natans Ketilssonar, sakamál frá 19. öld. Í sögunum sést hvernig réttarkerfið á Íslandi virkaði á þessum tíma. Dæmt var eftir Stóradómi og Norsku lögum Kristjáns fimmta, mál gengu frá sýslumanni til amtmanns og Lögréttu og síðar til Landsyfirréttar og Hæstaréttar í Kaupmannahöfn og konungur gat náðað. Sönnunarfærslan var önnur en við þekkjum, meðal annars með tylftareiði þar sem maður sór sig hreinan ásamt ellefu öðrum. Refsingarnar sjást í dómsorðunum sjálfum. Serían er sjálfstæð og seld sér, utan venjulegrar áskriftar að True Crime Ísland. Greitt er einu sinni og þá fylgja allir tólf þættirnir. Nánari upplýsingar og kaup á tci.kratos.is Spurningar og svör Hvað er Sjö dauðasyndir? Aukasería frá hlaðvarpinu True Crime Ísland þar sem sjö íslensk sakamál frá fyrri öldum eru lesin upp í tólf þáttum, byggð á bók Guðbrands Jónssonar frá 1951. Hver les upp? Anna Einarsdóttir og Kolka Hjaltadóttir, þáttastjórnendur True Crime Ísland. Er þetta hljóðbók eða hlaðvarp? Hvort tveggja í raun. Þetta er upplestur á heilli bók sem gefinn er út sem sería í tólf þáttum í hlaðvarpsveitunni. Þarf ég að vera áskrifandi að True Crime Ísland? Nei. Serían er sjálfstæð og keypt sér. Hvað er True Crime Ísland? Íslenskt true crime hlaðvarp þar sem farið er yfir íslensk sakamál og dóma. Nýr þáttur kemur út á hverjum mánudegi. Þáttastjórnendur eru eigendur lögmannsstofunnar Kratos þær Anna Einarsdóttir og Kolka B. Hjaltadóttir.