Episode Details

Ixo Teatrok Harea ikuskizuna eskainiko du asteburuan. Pabellón 6 aretoan izango da ikusgai ekainaren 4tik 7ra bitartean, egunero 19:30ean, igandean izan ezik, 19:00etan. Bi gazteren istorioa kontatzen du lanak: hegazkin-istripu baten ondoren uharte bakarti batean harrapatuta geratuko dira, maleta bat eta zuhaitz bat baino ez dituztela lagun. Hitzik gabe, gorputzaren bidez eraikitzen den istorio honetan, laguntasuna, anbizioa eta gizakiaren alde ilunena azaleratzen dira, ustekabean sortzen den “urreak” dena aldatzen duenean. Tragikomedia honek, gainera, hitzik gabeko lengoaia du oinarri, eta horri esker edozein hizkuntzatako ikusleek gozatzeko moduko esperientzia bihurtzen da. Estreinaldia Umore Azokan egin ondoren, orain aretoko formatuan iritsiko da Bilboko Pabellón 6era. Arnatz Puerta izan da gurean.

Deskargatu hemen.