Episode Details

पहिलो विश्वयुद्धमा होमिएका अस्ट्रेलिया र न्यु जिल्यान्डका सेनाहरूको त्याग र बलिदानको सम्झनामा हरेक वर्ष अप्रिल २५ मा देश विदेशमा विभिन्न कार्यक्रम आयोजना गरी एन्ज्याक डे मनाउन थालिएको करिब ११० वर्ष पुग्न लागिसकेको छ। पहिलो एन्ज्याक डे सन् १९१६ को अप्रिल २५ मा मनाइएको थियो, त्यसभन्दा एक वर्षअगि टर्कीको ग्यालिपोलीमा करिब १६,००० अस्ट्रेलियन र न्यु जिल्यान्डका सैनिकहरू ओर्लिएको घटनाको सम्झनामा। सन् २०२६ को एन्ज्याक डेको पूर्वसन्ध्यामा हामी अस्ट्रेलियन डिफेन्स फोर्स (एडीएफ)मा क्याप्टेनका रूपमा कार्यरत सिड्नी निवासी बलभद्र कार्कीसँगको कुराकानी प्रस्तुत गर्दैछौँ। एक अन्तर्राष्ट्रिय विद्यार्थीबाट सुरु भएको उनको यात्रा, मेडिकल साइन्टिस्ट हुँदै रजिस्टर्ड नर्स र पछिल्लो समयमा एडीएफ अन्तर्गत एक क्याप्टेनसम्म कसरी पुग्यो भन्ने विषयमा कार्कीसँग एसबीएस नेपालीले गरेको कुराकानी सुन्नुहोस्।