Episode Details

Este domingo, Narón acollerá o Día da Bicicleta, un evento aberto a ciclistas de todas as idades. As inscricións poden realizarse ata o día da proba na delegación de La Voz de Galicia en Ferrol, no Concello de Narón ou directamente o domingo, de 10:00 a 10:45 horas, no paseo de Xuvia, desde onde dará comezo a marcha ás 11:00. A ruta percorrerá as rúas Marcial Calvo, estrada de Castilla, Rafael Bárez, estrada de A Gándara, Ponte das Cabras, de novo estrada de Castilla e Papa Xoán XXIII, rematando no paseo de Xuvia. Os participantes recibirán avituallamentos grazas a Vegalsa Eroski e Leite Celta, patrocinadores do evento xunto co grupo Intaf. Ademais, todos os ciclistas entrarán nun sorteo de agasallos ofrecidos por empresas e comercios locais como Bioreona, Din&Don Narón, Cooperativa O Val, Burbujas, Ortegal Oil, Ferretería Hnos. Pena e Con Feitura. Lémbrase que o uso do casco é obrigatorio, e os nenos con rodeliños poderán facer só a saída e a chegada en Xuvia se o desexan.