Episode Details

Hópur nágranna jarðarinnar Gauksstaða í Garði í Suðurnesjabæ vill stöðva byggingu 15 smáhýsa við ströndina þar. Húsin eru hugsuð fyrir ferðamenn. Kæra vegna málsins er nú til meðferðar hjá úrskurðarnefnd umhverfis- og auðlindamála. Eigendur jarðarinnar segjast ætla að hefja framkvæmdir við húsin á næstu vikum og að tilraunir til að stöðva framkvæmdirnar skipti engu máli. Húsin sé á deiliskipulagi og að sveitarfélagið Suðurnesjabær vilji fá þau í bæinn. Fjallað er um þessa deilu í þættinum í dag en einn af kærendunum líkir henni við erjurnar um smáhýsin í Skaftafelli sem svo mikið hefur verið í fréttum. Umsjón: Ingi Freyr Vilhjálmsson