Episode Details
Back to EpisodesEmakumeen boterea eta komunitatearen iraultza liburua aurkeztuko du Aiora Enparantzak Zirika herrigunean
Description
Gaur Zirika gunean Emakumeen boterea eta komunitatearen iraultza liburua aurkeztuko du Aiora Enparantza itzultzaileak. Katakrak argitaletxeak ekarri du euskarara. 1970eko hamarkadan idatzitako testu batek gaur arte iritsi eta gaurko eztabaidak astintzen jarraitzen badu, zerbaitengatik izango da. Mariarosa Dalla Costa eta Selma James pentsalari feministek sinatutako Emakumeen boterea eta komunitatearen iraultza liburua feminismo autonomoaren testu giltzarrietako bat da, eta orain, lehen aldiz, euskaraz irakur daiteke. Aiora Enparantzak egin du itzulpena, eta Katakrak argitaletxeak plazaratu du lana, Silvia Federiciren hitzaurrea lagun. Etxeko lanen inguruko soldataren aldarria, emakumeen zapalkuntza kapitalismoaren egiturarekin lotzeko modua eta borroka feministaren kokapena klase-borrokaren erdigunean dira liburuaren ardatzetako batzuk. Aiora Enparantza itzultzaileak kontatu digun moduen ez da saiakera akademiko hutsa, ezta manifestu klasikoa ere: testu borrokalaria da, zuzena, irakurlea etengabe interpelatzen duena, pertsonala eta politikoa talka eginaraziz.
Deskargatu hemen.
The post Emakumeen boterea eta komunitatearen iraultza liburua aurkeztuko du Aiora Enparantzak Zirika herrigunean first appeared on Bilbo Hiria irratia.