Episode Details

Í þættinum um stjórnsýslu- og neytendamál tók Kristján Örn Elíasson á móti Þórólfi Þórlindssyni, prófessor emiritus í félagsfræði við Háskóla Íslands.

Þórólfur er með doktorspróf í félagsfræði frá University og Iowa í Bandaríkjunum. Hann hefur verið kennari við Háskóla Íslands í meira en fjörutíu ár. Hann var forstöðumaður Rannsóknastofnunar uppeldis- og menntamála frá árinu 1990 til 1997 og forstöðumaður Lýðheilsustöðvar frá 2007 til 2009. Þá var hann forseti félagsvísindadeildar Háskóla Íslands með hléum í samtals níu ár. Þórólfur hefur birt fjölda fræðigreina í alþjóðlegum fræðiritum.

Þeir ræddu um bókina „Spurt og Svarað“ sem fjallar um aðferðafræði spurningakannana en Þórólfur er höfundur bókarinnar ásamt Þorláki Karlssyni, dósent í sálfræði við Háskólann í Reykjavík en hann er jafnframt meðstjórnandi fyrirtækisins Maskínu rannsóknir, sem stundar m.a. skoðanakannanir, starfsmanna- og þjónusturannsóknir sem og almennar markaðsrannsóknir.

Komið var inn á hvort ástæða væri að setja lög eða reglur um skoðanakannanir en á Spáni og í Frakklandi er t.d. bannað að birta niðurstöður skoðanakannanna rétt fyrir kosningar og ræddu þeir margt annað bæði fróðlegt og athyglisvert.