Episode Details

今日要同大家講講一宗發生喺上世紀70年代，震驚全球嘅大規模自殺事件。美國邪教組織「人民聖殿教」嘅900多個信徒，喺教主吉姆·瓊斯 (Jim Jones) 嘅脅迫下，集體「自殺」，而其中仲有近三分之一嘅人係小朋友。而一啲唔肯自殺嘅人被強行灌入毒藥，整個營地只有五個人幸免於難。究竟吉姆·瓊斯係何方神聖，竟然可以號召900幾個人集體服毒？呢個「人民聖殿教」究竟點解會走到集體自殺嘅下場呢？